Titulo:

Collection de elementos de metadatos de Dublin Core, version 1.1: Description de referentia

Data de publication: 2001-02-01
Identificator: http://www.nautilus.com.br/~ensjo/ia/purl.org/dc/documents/rec-dces-19990702.htm
Es version de: http://www.purl.org/dc/documents/rec-dces-19990702.htm
Creator: Emerson Josť Silveira da Costa
Lingua:
Description: Isto es un traduction de un Recommendation del Dublin Core Metadata Initiative. Le publication como un recommendation significa que le specificationes es stabile e su adoption es supportate per le communitate Dublin Core (http://purl.org/dc/).

Introduction

Le documento summariza le definitiones actualizate del elementos de metadatos de Dublin Core tal como originalmente definite in [RFC2413]. Iste nove definitiones sera cognite officialmente como Version 1.1.

Le definitiones utiliza un standard formal pro le description de elementos de metadatos. Iste formalization promove le consistentia con altere communitates de metadatos e augmenta le claritate, scopo, e consistentia interne del definitiones del elementos de metadatos de Dublin Core.

Cata elemento de Dublin Core es definite per medio de un collection de dece attributos del standard ISO/IEC 11179 [ISO11179] pro le description de elementos de datos. Illo es:

Felicemente, sex del dece attributos supra es commun a tote le elementos de Dublin Core. Illos es, con lor valores respective:

Version: 1.1
Autoritate registrante: Dublin Core Metadata Initiative
Lingua: en (le definition formal de DCES es in anglese)
Obligation: Optional
Typo de dato: Catena de characteres
Occurrentia maxime: Illimitate

Le attributos supra non essera repetite in le definitiones infra, totevia, illos representa parte del definitiones formal de elementos.

Le definitiones fornite aqui include le formas conceptual e representational del elementos del Dublin Core. Le attributo Definition captura le concepto semantico del attributos Typo de dato e Commentario captura le representation del dato.

Cata definition de Dublin Core se refere al ressource sub description. Un ressource es definite in [RFC2396] como "qualcunque cosa que ha identitate". Pro le propositos del metadatos de Dublin Core, un ressource sera typicamente un ressource de information o servicio, ma pote esser applicate in un senso plus ample.

 

Elemento: Titulo

Nomine: Titulo
Identificator: Title
Definition: Un nomine date al ressource.
Commentario: Typicamente se utiliza un nomine per le qual le ressource es formalmente cognite.

Elemento: Creator

Nomine: Creator
Identificator: Creator
Definition: Le entitate primarimente responsabile pro producer le contento del ressource.
Commentario: Exemplos de creator include un persona, un organization, o un servicio.
Typicamente se utiliza un nomine de creator pro indicar iste entitate.

Elemento: Subjecto

Nomine: Subjecto e parolas-clave
Identificator: Subject
Definition: Le topico del contento del ressource.
Commentario: Typicamente le subjecto es expresse per medio de parolas-clave, phrases-clave, o codices de classification que describe le topico del ressource.
Le melior practica recommendate es selectionar un valor a partir de un vocabulario controlate o un schema formal de classification.

Elemento: Description

Nomine: Description
Identificator: Description
Definition: Un description del contento del ressource.
Commentario: Le description pote includer, ma non se limita a: summario, indice, referentia a un representation graphic del contento o un texto libere a proposito del contento.

Elemento: Editor

Nomine: Editor
Identificator: Publisher
Definition: Un entitate responsabile pro disponibilizar le ressource.
Commentario: Exemplos de editor include un persona, un organization, o un servicio.
Typicamente se utiliza un nomine de editor pro indicar le entitate.

Elemento: Contribuente

Nomine: Contribuente
Identificator: Contributor
Definition: Un entitate responsabile pro facer contributiones al contento del ressource.
Commentario: Exemplos de contribuente include un persona, un organization, o un servicio.
Typicamente se utiliza un nomine de contribuente pro indicar le entitate.

Elemento: Data

Nomine: Data
Identificator: Date
Definition: Un data associate a un evento in le cyclo vital del ressource.
Commentario: Typicamente le data es associate al creation o disponibilization del ressource. Le practica recommendate pro codificar le valor del datas es definite in un profilo de ISO 8601 [W3CDTF] e seque le formato AAAA-MM-DD.

Elemento: Typo

Nomine: Typo del ressource
Identificator: Type
Definition: Le natura o genere del contento del ressource.
Commentario: Le typo del ressource include terminos que describe categorias general, functiones, generes, o nivellos de aggregation pro le contento. Le practica recommendate es selectionar un valor a partir de un vocabulario controlate (per exemplo, le lista de schizzos de travalio de typos de Dublin Core [DCT1]). Pro describer le manifestation physic o digital del ressource, utiliza le elemento Formato.

Elemento: Formato

Nomine: Formato
Identificator: Format
Definition: Le manifestation physic o digital del ressource.
Commentario: Typicamente le formato pote includer le typo de medio o dimensiones del ressource. Le formato pote esser utilizate pro determinar le software o le equipamento necessari pro exhibir o operar le ressource. Exemplos de dimensiones include grandessa e duration. Le practica recommendate es selectionar un valor de un vocabulario controlate (per exemplo, le lista de typos de medios de Internet [MIME] que defini formatos de medios).

Elemento: Identificator

Nomine: Identificator del ressource
Identificator: Identifier
Definition: Un referentia inambigue al ressource intra un date contexto.
Commentario: Se recommenda identificar le ressource per medio de un catena de characteres o numero conforme a un systema formal de identification.
Exemplos de systemas formal de identification include le Uniform Resource Identifier (URI) (includente le Uniform Resource Locator (URL)), le Digital Object Identifier (DOI) e le International Standard Book Number (ISBN).

Elemento: Fonte

Nomine: Fonte
Identificator: Source
Definition: Un referentia a un ressource del qual se deriva le ressource presente.
Commentario: Le ressource presente pote derivar se del ressource-fonte in toto o in parte. Le practica recommendate es facer referentia al ressource per medio de un catena de characteres o un numero conforme a un systema formal de identification.

Elemento: Lingua

Nomine: Lingua
Identificator: Language
Definition: Le lingua del contento intellectual del ressource.
Commentario: Le practica recommendate pro le valores del elemento lingua es definite per RFC 1766 [RFC1766], que include un codice de lingua de duo litteras (prendite del standard ISO 639 [ISO639]), sequite optionalmente per un codice de pais de duo litteras (prendite del standard ISO 3166 [ISO3166]). Per exemplo, 'ia' pro interlingua, 'fr' pro francese, o 'en-uk' pro le anglese del Regno Unite.

Elemento: Relation

Nomine: Relation
Identificator: Relation
Definition: Un referentia a un ressource correlate.
Commentario: Le practica recommendate es facer referentia al ressource per medio de un catena de characteres o numero conforme a un systema de identification formal.

Elemento: Copertura

Nomine: Copertura
Identificator: Coverage
Definition: Le extension physic o abstracte del contento del ressource.
Commentario: Le copertura typicamente include un location spatial (un nomine de localitate o coordinatas geographic), un periodo de tempore (un etiquetta de periodo, data, o gamma de datas), o un jurisdiction (tal como un entitate administrative nominate).
Le practica recommendate es selectionar un valor a partir de un vocabulario controlate (per exemplo, le Thesaurus of Geographical Names [TGN]) e que, quando appropriate, localitates o periodos de tempore nominate sia utilizate in preferentia a identificatores numeric tales como collectiones de coordinatas o gammas de datas.

Elemento: Derectos

Nomine: Gestion de derectos
Identificator: Rights
Definition: Information super derectos detenite super e a proposito del ressource.
Commentario: Typicamente le elemento derectos continera un declaration de gestion de derectos pro le ressource, o un referentia a un servicio que provide tal information. Information de derectos frequentemente involve derectos de proprietate intellectual (IPR), copyright e varie derectos de proprietate.
Si le elemento Derectos es absente, necun hypothese pote esser facite quanto al stato de iste e altere derectos concernente ressource.

Referentias

[DCT1] List of Resource Types. Dublin Core Draft Working Group Report.
<http://purl.org/DC/documents/wd-typelist.htm>

[ISO11179] ISO 11179 - Specification and Standardization of Data Elements, Parts 1-6.
<ftp://sdct-sunsrv1.ncsl.nist.gov/x3l8/11179/>

[ISO639] ISO 639 - Codes for the representation of names of languages.
<http://www.oasis-open.org/cover/iso639a.html>

[ISO3166] ISO 3166 - Codes for the representation of names of countries.
<http://www.oasis-open.org/cover/country3166.html>

[MIME] Internet Media Types.
<http://www.isi.edu/in-notes/iana/assignments/media-types/media-types

[RFC1766] Tags for the Identification of Languages, Internet RFC 1766.
<http://www.ietf.org/rfc/rfc1766.txt>

[RFC2396] Uniform Resource Identifiers (URI): Generic Syntax, Internet RFC 2396.
<http://www.ietf.org/rfc/rfc2396.txt>

[RFC2413] Dublin Core Metadata for Resource Discovery, Internet RFC 2413.
<http://www.ietf.org/rfc/rfc2413.txt>

[TGN] Getty Thesaurus of Geographic Names.
<http://shiva.pub.getty.edu/tgn_browser/>

[W3CDTF] Date and Time Formats, Nota del W3C.
<http://www.w3.org/TR/NOTE-datetime>